लेकाच्या वयोगटातली कुटुंबातली किंवा मित्रमंडळींमधली मोठी भावंडं आठवताना आज एक चांगला एक्सरसाईज झाला. क्वचित अपवाद वगळता सगळ्याच घरी एकेकटी मुलं आहेत. ज्येष्ठ अपत्य म्हणजे काय आणि कोण हे शोधताना आई-बाबांची किंवा आजी-आजोबांचीच भावंडं आठवणं जास्त सोपं गेलं. आपोआप काका-आत्या-मामा-मावशांमधली मोठी, मधली, धाकटी, ही उतरंडही मजेमजेत उलटसुलट उलगडून बघितली गेली.

आता जुन्या प्रथेत बदल करून समान न्यायानं सर्वांनाच ओवाळायचं असतंय. तरी त्यानिमित्तानं वेद-अनिश, मिहिका-कणाद, आई आणि दिपुमावशी, स्वरा, बाबा आणि आत्या, ऋतू आणि समृद्धी, अशा अनेक नामावळ्या नेहमीपेक्षा वेगळ्या कारणानं बोलण्यात आल्या. प्रथा अशाच कारणांसाठी महत्त्वाच्या वाटतात, एरवी मग रटाळ रुटीन असतंयच.