तालवाद्य नाहीच ह्यात. ऐकताना तो दिवा जणू कानातही तेवत रहातो. परिपूर्ण शांतरस आहे. साधना त्या वातावरणाला साजेशी वावरते. सांजवाती उजळवतानाचं गांभीर्य, पण दिलासादायक, आशादायक, असा काहीतरी विशिष्ट भाव स्वरांमधून तंतोतंत आपल्यापर्यंत पोचतो. त्यात अंधाराशी संघर्ष, झगडा नाही, अलगद त्याचा हात सोडून प्रकाशाचा हात पकडणं आहे. सलिल चौधुरी+लता हे कमालीचं अद्भुत रसायन आहे. 
मेरे मन के दिए - परख