हे आहा आहे! ऐकावं आणि डोलावं.

ही एक आवर्जून ऐकण्यासारखी मालिका तन्मय देवचके करतायत. त्यांचा हात तर सफाईदार आहेच, पण समजावणंही ते खूप सिन्सिअरली करतात. ह्या गाण्यात 'दूर यमुना नीर वाहे' ह्या ओळीत 'वाहे'चे सूर तन्मय वेगळे लावतायत असं वाटलं. पण ते तंतोतंत लागावेत ही अपेक्षाही माझी मलाच खटकली.

अनुजा कामतचे एपिसोड्स असेच सिन्सिअर असतात. सामान्य माणसांसाठी तांत्रिक बाबी रंजक करून सांगणं ही कला आहे. अनुजासुद्धा अभ्यासून प्रकटते.

दोघांचेही प्रयत्न सवडीनं मुद्दाम ऐकावेत असे असतात. इतरांना काही सांगताना अगोदर ते स्वतः एंजॉय करणं महत्त्वाचं, मग ते काहीही सांगणं आपोआप खुलतं. ह्या दोघांना ऐकताना ते खुलणं म्हणजे काय, हे कळतं.

https://www.facebook.com/reel/1496745714089114