चहा मला फारसा आवडत नाही. काहीतरी चमचमीत खमंग खाताना किंवा खिडकीतून पाऊस बघताना नाहीतर कडकडीत थंडीत सकाळी उठल्यावर चहा मनापासून प्यायला जातो. पण ती रेड लेबल चहाची 'एक कप चाय और मिलेगी?' जाहीरात कधीही पाहिली की मात्र मला त्याचवेळी लगेच चहा प्यावासा वाटतो. इतका तो कपात ओतलेला चहा भारी दिसतो!

चहा न आवडणा-यांची ही कथा, चहा आवडणारे तर लगेच आधणही चढवत असतील काय? कोल्हापुरात होत असेल तसं. कारण त्यांच्याकडे इकडे जेवणं सुरू असतील तरी तिकडे चहाचं आधण असतंच. मग भले, प्रहर कोणताही असो!