नरसोबा-कृष्णामाई भेट आणि देवांचे वरच्या देवळात प्रस्थान
आज आषाढी एकादशी दिवशीची ही श्री क्षेत्र वाडीची काही क्षणचित्रे. चार दिवसांपूर्वी पाणी देवांच्या चरणांशी आले. खालील पहिल्या फोटोत पुजारीवर्ग पोहत देवपादुकांना प्रदक्षिणा घालत आहे. श्री. हरी पुजारी ह्यांनी सहका-यांसमवेत दक्षिणद्वार सोहळा, महाएकादशीचे स्नान ह्याबद्दल सांगितले. त्यांची परवानगी आल्यानंतर ते सर्वांसोबत अवश्य शेअर करेन.
कृष्णेचे अथांग पात्र, आषाढातली आजची पाण्याची पातळी, आजच्या सार्वत्रिक उपासाच्या निमित्ताने भक्तांची क्षुधा शांत करणारा वरीचे तांदूळ आणि दाण्याच्या आमटीचा वाफाळता महाप्रसाद, कृष्णा-पंचगंगा संगम आणि त्यावर चव-या ढाळणारं गच्च भरलेलं सावळं आभाळ, कोणत्याही क्षणी पाण्याखाली येण्याची शक्यता असलेला कुरुंदवाड-रांगोळी रस्त्यातला एक टप्पा, पाण्याने तुडुंब भरलेली शेतखाचरं.
आजच्या आनंद सोहळ्याची भैरवी सांगवड्याच्या देखण्या लक्ष्मी-नरसिंह आणि विठ्ठल रखुमाईभेटीनं.
No comments:
Post a Comment