दोन मालिका बघणं चालू आहे सध्या. कलर्स मराठीवर स्वामिनी आणि युट्युबवर प्रपंच. प्रपंच लेकालाही प्रचंड आवडतेय. त्यामुळे पूर्वी घेतलेला आनंद द्विगुणित होतोय. खरोखर एव्हरग्रीन मालिका.

स्वामिनीतल्या ब-याच बाबी आवडतायत. ब-याच खटकतायतही. पण १००% बिनचूक असणार नाही, ही तयारी ठेवूनच बघायला घेतलीये. पात्रयोजनेसाठी उत्तम गुण द्यावे लागतील. पेशवाईत मुळातच भरपूर घडामोडी असूनही टिपीकल मालिकी राजकारण इथेही आणलंच आहे. पण अरुणा जोगळेकरांच्या चांगल्या संवादांमुळे सुसह्य होतंय.

आज नानासाहेब आणि सदाशिवरावांमध्ये झालेला छोटासा संवाद अर्थपूर्ण होता. पेशव्यांचा आवाका आणि भाऊंची तत्वनिष्ठता अधोरेखित करणारा. वेगवेगळ्या पुस्तकांमधून नानासाहेब पेशव्यांचं जे व्यक्तीचित्र उमटलंय, त्यापेक्षा ही व्यक्तीरेखा उजवी होतेय. गोपिकाबाई मात्र शक्य होईल तितक्या गडद दाखवतायत. हेमासपशेलवैम.

बादवे, पेशवाईत (खरोखरचे) चमचे महाराष्ट्रात पोचले होते का?