रोजच्या जेवणात अधेमधे कोशिंबिरींवर नेहमीपेक्षा जास्त भर देऊन बदल असतात, त्यापैकी हे काही फोटो. रंगांइतकेच वेगवेगळे आकार आणि टेक्स्चर्सही एकत्र आवडतात. घरच्या ज्येनांना पचायला सोपं होण्यासाठी काही पदार्थ वाफवून घेते. वर्षभर मिळणारं कच्चं शेंदरी गाजर किंवा कच्चं बीट, मटार वगैरे बऱ्याचदा मलाच सोसत नाही. कधी कधी ड्रेसिंग म्हणून चमचा दोन चमचे कोणत्याही कोरड्या चटण्या कालवते.
१. वाफवलेले बीट आणि मक्याचे दाणे, टोमॅटो, कांदा, मोडाचे मूग, शेंगदाणे, कोथिंबीर, मीठ, साखर, भरपूर लिंबू पिळून.
२. गाजराचा खिस, मेथीचा पाला, चिरलेला कोबी आणि टोमॅटो, शिजवलेले छोले आणि वाफवलेले मटार, खारे दाणे, घट्ट दही, मीठ, मिरपूड.
३. उभा चिरलेला टोमॅटो, गाजराच्या गोल चकत्या, पनीरचे चौकोनी तुकडे, वाफवलेले मक्याचे दाणे आणि मटार, खारे दाणे, अक्रोडाचे तुकडे, भाजलेले तीळ, मगजबिया, कोथिंबीर, मीठ, मिरपूड, भरपूर लिंबू पिळून.
No comments:
Post a Comment