Done & happy!

Voter of Khadakwasla Constituency.

#मतदान #मध्यवर्ती निवडणुका #लोकसभा

'शुध्द'लेखन

प्रमाणभाषेसंदर्भात आग्रही असणं आणि त्यातल्या गंमतीजमतींचे विनोद पुण्याठाण्यामुंबईत नवीन नाहीत. ती जीवनावश्यक बाब असते अनेकांसाठी. ओसीडीचाच प्रकार. त्या अनुषंगानं येणा-या अनंत मुद्द्यांचा काहीच विचार नसतो. त्यामुळे लेख पटला.

कोल्हापुरात आल्यापासून नीलची भाषा अमुलाग्र बदलली आहे. त्याच्या भोवतालच्या परिसराचं, त्याच्या मित्रांचं, शेजारपाजाराचं, त्याच्या मानसिक स्थैर्याचं आणि कोल्हापूर प्रेमाचं प्रतिबिंब त्याच्या बोलण्यात स्पष्ट उमटलेलं दिसतंय. नव्या वातावरणात झपाट्यानं रुळताना मुलं आपोआपच कशी स्वत:त नव्या नव्या गोष्टी घेत जातात ते बघणं इंटरेस्टींग आहे. त्याला ओळखणा-या आणि तो एक बरा वाचक आहे हे माहित असणा-यांना त्याचं बोलणं ऐकून धक्का बसलेला चटकन कळतो. ते गंमतीशीर असतं. रोजच्या वापरासाठी आणि संवादासाठी भाषेचा जो पोत तुम्हाला सोयीस्कर वाटतो, आनंद देतो, ती तुमची भाषा, असं वाटतं. गवसांचं हे सदर खूप छान चालू आहे.

#सुत्तड़ गुत्तड़ #राजन गवस

निवडणूक आयोगाला मन:पुर्वक शुभेच्छा!

लोकशाहीचा यज्ञ शांततेने आणि यशस्वीपणे पार पडो!

आपण सर्व ह्या प्रक्रियेत सूज्ञपणे सहभागी होऊ या.

कोणत्याही पक्षाकडे कल असो, आयोग आपल्या मदतीसाठी आवश्यक ती सर्व कार्यवाही करत आहे, ह्याचे योग्य ते भान ठेवून मतप्रक्रियेचा, घटनेचा आदर ठेवू या.

थँक्स Jayant Vidwans, सैगल फार आवडतो. सकाळी पावणेआठापर्यंत धुमशान करत घुमत आई केरवारे, स्वत:ची आणि आमच्या आंघोळी, पाणी भरणे, धुणी, नाश्ते, भांडी आटोपून निवांत चहाचा घोट घेत घरातल्या लाकडी जिन्याच्या पहिल्या पायरीवर ह्या माणसाचं गाणं ऐकायला बसायची. बाबांची पूजा सुरू असली तरी रेडिओही चालू असेच.

सहसा आईवडिलांना प्रिय असणारे लोक मुलांना त्या वयात भावले नाहीत तरी कालांतराने आवडायला लागतात तोच प्रवास माझाही सैगलबाबतीत झालाय. अतिशय आवडतो आणि त्याला ऐकण्याचा रेडिओखेरीज इतर कोणताही सोर्स तेव्हा सहज उपलब्ध नसल्याने रोजची ती वेळ गाठण्यासाठी होणारी आईची तडफडही आता समजू शकते. नंतर रेकॉर्ड प्लेअर आल्यावर त्यांची एलपीही वारंवार वाजवायची ती.

पण सैगल म्हटलं की पुराने फिल्मों के गीत, पावणेआठ आठचा सुमार, घामेजलेली आई आणि तिच्या हातातला चहाचा कप हे डोक्यात घट्ट रुतलेलं चित्र आहे. 86 साली ती गेली त्यानंतर रेडिओ सिलोनचा तो सकाळचा कार्यक्रम घरात तिच्याइतक्या असोशीनं पुन्हा ऐकला गेला नाही. पुढे त्या कार्यक्रमाचं नाव, वेळ, सैगलचं ते शेवटाचं गाणं हे सगळंच बदलत गेलं, पण सैगल ऐकणं मात्र अजूनही सुरू आहे. आनंदी लहानपणाशी सैगल कनेक्शन थेट जोडलेलं आहे. पुनश्च शतश: धन्यवाद, तुमच्यामुळे नॉस्टॅल्जियात सुखद डुबक्या मारायला मिळाल्या :-)

ऋतुराज आज वनी आला, ऋतुराज आज वनी आला

नवकुसुमांचा, नवकलिकांचा बहर घेऊनी आला

#बहावा