ज्येष्ठात लागलेली आषाढ झड. काळोखलेल्या आभाळामुळे (एरवीही तसा कायमच) निवांत असलेला आसमंत. लवकर आलेली जाग. नसलेली घाई. हातात वाफाळती कॉफी आणि विश्राम गुप्तेंचं (तुम्हाला हवंय नकोय न विचारता) धरूनच ठेवणारं लेखकाची गोष्ट. अजून तरी न पोचलेल्या वटपोर्णिमेच्या शुभेच्छा. एकुणात प्रसन्न सकाळ.

सर्वांना जागतिक पर्यावरण दिनाच्या शुभेच्छा. माणूसप्राण्यानं ह्या मौसमापासून जरा मनाची मशागत करायला घ्यावी आता. क्रौर्य आणि उतमातीची परिसीमा गाठलीये आपण. फटकेही तंतोतंत मिळतायत.