विठ्ठलवाडीतलं लाडकं दांपत्य. दोन वर्षांपूर्वीच्या उन्हाळ्यातला दोघांचा गारवा. अंगभर चंदनाच्या उटीचं लेपन आणि मोगरीनं सुवासित केलेला गाभारा. जीवाभावाची मायाळू माणसं कायम नाकीडोळी नीटसच दिसतात, त्यात अशी नटली की कशी आणखी देखणी होतात बघा. प्रेमात पडू नये तर काय करावं!

कस्तुरी मळवट चंदनाची उटी

रुळे माळ कंठी वैजयंती

कासे सोनसळा पांघरे पाटोळा

घननीळ सावळा बाईयांनो

सकळही तुम्ही व्हा गे एकीसवा

तुका म्हणे जीवा धीर नाही

राजस सुकुमार मदनाचा पुतळा

रवि शशि कळा लोपलिया