गेल्या आठवड्यात कोल्हापुरात ग्रंथ पुस्तक दालनात एका कोपऱ्यात निरंजन घाटेंचं 'वाचत सुटलो त्याची गोष्ट' दिसलं. एकच प्रत होती बहुदा. चटकन उचललं, कारण विशलिस्टमध्ये होतंच. झपाट्यानं वाचत निघाले, पण त्यात उल्लेख असणाऱ्या एवढ्या पुस्तकांच्या बंबांर्डिंगनं गरगरायला झालं. मात्र ते गरगरणं मजेचं आहे. पुस्तक खाली म्हणून ठेववेना. आजवर वाचलेल्या पुस्तकांची अफाट दुनिया घाटेंनी यथाशक्ती विषयवार उलगडून सांगण्याचा प्रयत्न केला आहे. त्यांच्या वाचनाचा आणि त्याहीपेक्षा स्मरणशक्तीचा आवाका विस्मयकारक आहे. किती लेखक, केवढे विषय, एकाच विषयाचे केवढे पापुद्रे, अबब झालं वाचताना.

आवर्जून वाचायला हवं, संग्राह्य आहे त्यामुळे विकत घेणं उत्तम.