रविवारची कामं उरकताना रेडिओवर चांगलं ऐकायला मिळावं ही पर्वणी असते. बिग एफ एम वाहिनीवर मुलुंडच्या रंगकौशल्य मोफत वाचनालयाच्या रमेश मेश्रामांची जाहिरातींचा भडीमार नसलेली त्यांना व्यवस्थित बोलू दिलं गेलेली मुलाखत, पाठोपाठ भावना सोमय्यांचा चित्रपट कलावंतांशी संबंधित किश्श्यांवर आधारित कार्यक्रम, ह्या सगळ्यात अधेमधे वाजवली जाणारी बरी गाणी. भावना सोमय्यांच्या जी मासिकाचा कधीकाळी फडशा पाडलेला आहे. अन्नु कपुरांप्रमाणेच त्यासुद्धा फार लाडीक न होता नीट सुरस बोलतात सांगतात. मेश्रामांची मुलाखत आवडली, ऐकून तरी खूप आवडला हा उपक्रम.