तलखीच्या कप्प्यात हे बसेल का खात्री नाही. पोटाला आराम आणि हलकं वाटतं एवढं खरं.
नाचणीचं आणि तांदळाचं पीठ प्रत्येकी दोन चमचे, दुध्याचा आणि काकडीचा खिस, छोटीशी हिरवी मिरची, लसणाच्या दोन पाकळ्या ठेचून, कोथिंबीर, मीठ, हे सगळं ताकात ओतीव होईल असं भिजवलं आणि दोन तव्यांवर धिरडी घातली. झाकण ठेवून भाजली.
तांदळाच्या पीठामुळं लोखंडी तव्यावरचं धिरडंही नीट सुटतं. झाकण ठेवल्यामुळे शिजतात आणि चटचट होतात, खेळत वाट बघत बसायला लागत नाही.
थोडे मोडाचे मूग होते, ते असेच घातलेत.
शेजारी स्ट्रॉबेरी क्रशचा थेंब घातलेलं फिकं गार दूध आहे.
No comments:
Post a Comment